Кельть-валт

Чиезь чии эрямось,
Сась валонь човорямось.
А кенери меньгак прев,
Сыть од терминт секетев!
Шатыть рузонь, эрзянь кельть —
Англансентень явить мель.
Исяк кучсть тень эсэмэс:
Келя, пачкодсь покш прогресс,
Моданть «кельгстизь» Интернетс,
Ташто валтнэнь ёртнизь ведьс,
Шукшпряв тусть кезэрень койть!
Неень тейтертне набойть:
Сайтка вешнить вечкевикст —
Аволь лётчикть, а танкистт.
Ней бой-фрэндтнэ мачот, панкт —
Сравтовсть мерят суксов пангт…
Лавкань лемтне — эрьвась хит:
«Эльдорадо», «Сателлит»…
Мезде, каня, сынь кортыть,
Мезе миненек алтыть?
Тунь а явить сенень мель:
Отьмас ваить ине кельть!