Тиринь ёнкс

Сияждыця сэнь менель,
Сиянь эрьке, эрзянь кель,
Сюров паксят, сюпав вирть,
Садпирестэ умарть кирдть!

Тунда варакат ливтить,
Лембе вармат велявтыть,
Цёков полады мором —
Те монь тиринь мастором!

Гайги вере норовжорч,
Вансты чеерть покш пря корш,
Ривезьгак вешни кором —
Те монь тиринь мастором!

Чинев машинат эвтить,
Кевень кудотне касыть,
Ошось кежей, прок Содом,
Косат, тиринь мастором?